garqaadasho
maanasadaan garqaadasho waa maanso jacayl ah waxaana curiyey abwaan kawtame maansadaani waxay soo baxday 28/9/2004 waxayna ku bilaabatay
jacaylkii i guudraray
gacalooy i gawracay
gu'yaal badan i raacay
markii uu igu gaagaxay
ila giijin wayday
gabadhyahay aduunyada
galabtiyo habeenkaba
kala guur hooskaa
lagu gowracaaye
bal garwaaqso inanyahay
gayigeena oo idil
inta gabadh suleekhaa
ninka kaaga soo go'ay
durba lama garaafee
waa laga garqaataa
sida ubax gardaadoo
beerta geeska uga baxay
galabtii markay tahay
cadceedu ay garaacdaad
gabadhyahay bidhaantaa
qalbigayga waxaa gubay
quruxdaada geebyooy
geeraaradayduna
waa gogoldhigeenii
goobxaarad weeyaan
gayigeena oo idil
inta gabadh suleekhaa
ninka kaaga soo qo'ay
durba lama garaafee
waa laga garqaataa
gudcurkoo habeenkii
garbihiisii soo rogay
kugu raadshay guuroo
god libaax dulmaraye
hadmaad ii gargaarin
gaaridaan jeclaayeey
garashadii naftaydaay
daa'uus gamaaneey
guusheenu siday tahay
geestaada ka adkee
gayigeena oo idil
inta gabadh suleekhaa
inka kaaga soo go'ay
durba lama garaafee
waa laga garqaataa
hani
haniyeey haniyeey
haniyeey haraadkaan
hamuuntaa an kuuqabo
hurdo seexan waayee
hogoshii dalkaygee
dusha iga haraysoo
ii hilaacday galabeey
nafta hirashadeedaay
qurux hooyadeedeey
hamigii naftaydaay
horseedkii aduunkaay
horo iyo ugbaadeey
howlahakan caashaqu
igu soo habsiiyoo
hilayga igu rarayoo
hooggaan igu kexeeyey
heedhe adi daraadaa
hablahaba dhamaantood
haasaawe daayoo
hadal kuma iraahdee
labo hayb wadaagoo
halgan caashaq soomaray
hal banaan ayaa jira
waa inay isu hiishaan
timahaaga haracaa
hilmadowgu fuulee
dhexda haabanaayaa
hamigaygu raacee
wajigaagan haybtii
hablo xuural cayniyo
hoy janaad lamoodaa
halista igu beeree
indhahaaga hanadkaa
halmar ruuxay eeggaan
hiyikaca aduunkee
hoheey aniga la iraac
waxaan hoos qabow iyo
harka damalka tagayaa
goortaan is hananoo
hido kugu aroosee
hidaha iyo dhaqankana
hay sharafta waligaa
hogoogtaada diintiyo
horay mari jacaylkaba
ballantana habeeyoo
hambalyo iyo sacab iyo
utun heelo iyo baaq
ila haybi dunidana
abwaan c/khayr c/qaadir maxamuud {kawtame}
sida ma isu dhaanaa?
Maanso: Sida ma isu dhaanaa
Hadana waa maansadii wadaniga ahayd ee aan ugu magac daxay sida ma isu dhaanaa. Waxay maansadaani soo baxayday 7/7/2004.
Waxayna ku bilaadatay sidaan:
marka hore salaan baan
idiin sacabtumaayaa
marka xiga sidaan nahay
silicaani waa maxay ?
ma sidaan ahaanaa
sirgixbaan kusoconaa
sararaha is goynaa
maqaarka iska siibnaa
tahriib sahay uqaadnaa
saxaraha ku dhimanaa
mise waan kasuulnaa
taladaan sifaynaa
siday aniga ila tahay
somali badankeed
haydii aysamaantiyo
dhanka sare mar eegaan
waan ka samatabaxaynaa
saxariirta nagutaal
intaadse aake iyo suug
dabajeex sirgaxan iyo
beekaa'im silisliyo
sur rasaasa wadataan
sare gaari maynee
sida ma isu dhaanaa
mise waan sarkhaanaa
wax silaysan noqonaa
suuqyada aduunkaan
sabool wada ahaanaa
sabadkaan abaartaa
sahan guul madiranaa
salalkiyo dhibteenaan
horta see u aragtaa?
maansadaan siday tahay
sabi iyo caruuriyo
seetiyo nin dabarliyo
wax masuge magaran karo
ninkii seexanaayiyo
kii sahaminaayiyo
soo jeed ninkii rabba
salaamaad dhamaantiin
Maansadaan iyo gabaygaas ka horeeyay waxaa alifay abwaan:
Cabdikhayr Cabdiqaadir Maxamud
Emailka: kawtame24@hotmail.com
--------------------------------------------------------------------------------
calan yahow buluuggaa
Calanyahow Buluugaa
Maansadaan waxaa alifey abwaan cabdikhayr cabdiqaadir maxamud (kawtame), Maansadaani waxay soo baxday 25/7/2004. Waana maanso wadani ah ee gudoon wacan, Magaca maansada= "calanyahow buluugaa"
Calanyahow buluugaa
Cirka midab wadaagoow
Xidigtaa cadaankoo
Dhexda kugu calaqanbaa
Nacabiraysa anagee
Cadaan duug hanoqonoo
Calal madow hanoqonoo
Ciso iyo wanaagii
Waxaan cood lahaan jirey
Calanyahow adaa haray
Cayntaada oo kale
Cirka lagama keeninoo
Dhulka laguma caaliqin
Cidi ma ay maleegine
Calanyahow buluugaa
Rabi caadil weeyee
Intaad ciidan heleysana
Malaa’igo ku caawiya
Daa’imkay hakugu culo
Calanyahow buluugaa
Waxaad tahay cad waynoo
Calaamado xurnimo iyo
Soomaalida cadkeedii
Looga cibri qaatee
Calan yahow buluugaa
Waxaad tahay cas doogloo
Caaniyo biyaba loo
Cadceed iyo kulayl iyo
Ciid boor ah lagu arag
Calan yahow buluugaa
Dugsi caan ah baad tahay
Culimadu amaantoo
Rabi noo carbiyayoo
Carfi iyo udgoonlee
Calan yahow baluugaa
Caqligaygi baad tahay
Iyo cood maguuuraan
Misna ceel ilwaynoo
Laga wada cabaad tahay
Calan yahow buluugaa
Casiiskaan baryaayee
Caadilkay ha kugu daro
Dawlad aan mar caagayn
Caalim iyo rag doora ah
Calanyahow buluugaa
Dhamaad.
--------------------------------------------------------------------------------
Soomaalaay isdhaarsada
Waxaa jiiftadan allifay Abwaan Cabdikhayr Cabdiqaadir Maxamuud [Kawtame]. Waxey jiiftada soo baxday 25/6/2004, waana waddani ee guddoon wacan. Abwaanku wuxuu daganyahay caasimadda Suudaan ee Khartoum.
Magaca jiiftada waa "Soomaalaay isdhaarsada"
Wax dhan baan dhibaatiyo
Dhalanteed ku soconaye
Soomaalaay isdhaarsada.
Dhaxda noo adkeeyoo
Ruuxii dhib nagu wada
Feeraha isdhaafiya
Dhibaatada na haysa
Cidi naguma dhalinine
Annagaa isku dheelay
Ilaa iyo dharaartii
Waddankii la dhalanrogay
Miyaan laga dhammaan wali
Dhaawicii badnaa iyo
Dhimmashadii sokeeyaha
Ayaa maal ku dheefsaday?
Dhibaatada na haysa
Cidi naguma dhalinine
Annagaa isku dheelay
Dhallinyarada joogtaay
Waakane dhankiinnii
Ninna yuu isdhiganin
Inta midiba dhinac yahay
Calooshuna dhan kala tahay
Wallaan laga dhammaaneyn
Dhibaatada na haysa
Cidi naguma dhalinine
Annagaa isku dheelay
Dhamaad.
